عتــــــــــــــآب

من طرف **Admin** الجمعة مايو 09, 2014 7:58 am

حاجي تعاتبني يئست من العتاب
و من كتر ما حملتني هالجسم داب
حاجي تعاتبني و إذا بدك تروح روح
روح و أنا قلبي تعود عالعذاب
علمت قلبي من الطفولي عاهواك
و ما تطلعت هالعين إلا عاحماك
و الله بيشهد ما ضحكت مرة لسواك
و ليش بتضلك تفتحلي بواب
عايشي بعيدي عن ليالي الصفا
عيشة جفا و بحكي مع الناس بجفا
يا هل ترى مش هيك بيكون الوفا
و كيف بيكون الوفا عطيني جواب
إن كان غيرة هالجدال و هالشكوك
أضنيتني يكفي بقى يرحم أبوك
و إن كان غيري حباب عم يعلموك
الله يباركلك يا ولفي بهالحباب
كل ما عم زيد في حبك ولوع
كل ما بتزيد بعيني الدموع
و يا ريت عن حبك المضني لي رجوع
رح تهرب الأيام و يمر الشباب
وين بتلاقي متل قلبي قلوب
شو صار صافيلك و غافرلك ذنوب
و قديش عن حبك قلت بكرا بتوب
ما تبت يا ولفي و لا هالقلب تاب